Diretór Terra Propriedade Munisípiu Liquiçá, Tito Serrão da Silva. Imajen TATOLI/ Eugenio Pereira

DILI, 12 setembru 2019 (TATOLI) – Diretór Terra Propriedade (DTP) no Servisu Kadastrál Munisípiu Liquiçá, Tito Serrão da Silva, ohin sei aprezenta relatóriu kona-ba Estatutu Rai Kaitehu, Aldeia Mota Ikun, Suku Mota Ulun, Postu Administrativu Bazartete, Munisípiu Liquiçá, ba Ministériu Justisa (MJ) liuhosi Sekretaria Estadu Terra no Propriedade (SETP).

“Agora ha’u iha dalan atu aprezenta relatóriu kona-ba Estatutu rai Kaitehu nian ba Ministériu Justisa, liliu Diresaun Nasionál Terra Propriedade (DNTP)”, nia dehan ba Agência TATOLI, kinta ne’e.

Notísia Relevante: DTP Liquiçá Laiha Koñesimentu Prezensa Kompañia Marino Enterprise

Iha kuarta (11/9), Diretór ne’e lamenta ho Ministru Justisa, Manuel Cárceres kona-ba kazu rai Kaitehu ne’e.

“Loloos ne’e ita-nia nai ulun sira ne’e kontaktu ami iha baze kona-ba rai ne’e nia estatutu, tanba hahú hosi Tibar to’o Loes, ami hatene problema disputa rai entre komunidade ho komunidade no Estadu ho Estadu”, nia tenik.

Nia dehan, liña koordenasaun importante, nune’e dezenvolvimentu bele la’o ho di’ak.

“Sira (nasionál) nunka kontaktu ha’u, pelu menus husu netik ba ha’u dehan rai ne’e halo nusa, ida ne’e laiha, hakfodak desizaun Tribunál halo kanselamentu, ne’e laloos”, hateten Tito Serrão.

Jornalista: Evaristo Soares Martins

Editór: Xisto Freitas

1 KOMENTÁRIU

Leave a Reply to Santino Dare Matias Cancel reply

Please enter your comment!
Please enter your name here