Xanana Gusmão, ohin, vizita B.J.Habibie iha Ospitál Militár Jakarta. Imajen Foti husi Google.

DILI, 12 setembru 2019 (TATOLI) – Governu liuhosi reuniaun Konsellu Ministru (KM), ohin, iha Palásiu Governu, nomea eis Primeiru-Ministru, Kay Rala Xanana Gusmão reprezenta Timor-Leste hodi hato’o sentida kondolénsia ba família matebian eis Prezidente Repúblika Indonézia, B.J. Habibie.

“Ohin, Konsellu Ministru nomea Kay Rala Xanana Gusmão nu’udar reprezentante Timor-Leste atu hato’o deliberasaun ne’ebé Konsellu Ministru aprova kona-ba kondolénsia ba família eis Prezidente Habibie ninian,” dehan Ministru Estadu Prezidénsia Konsellu Ministru, Hermenegildo Augusto Cabral Pereira ba jornalista sira.

Tuir oráriu, eis líder rezisténsia Kay Rala Xanana Gusmão sei dezloka ba indonézia, aban (13/9). B.J. Habibie hakotu iis iha horsehik (11/9) hafoin durante fulan hala’o tratamentu saúde iha RSPAD Gatot Subroto, Jakarta.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here