Logotipu INS

DILI, 11 setembru 2019 (TATOLI)- Diretór Ezekutivu Institutu Nasionál Saúde (INS) Timor-Leste, António Bonito informa katak agora daudaun rekursu umanu ba INS la sufisiente tanba ne’e mak INS agora husu tan para hodi aumenta rekursu umanu.  Agora daudaun formadór hamutuk 22 de’it.

“Agora ema ba profisionál saúde tenke tuir treinamentu iha Ministériu Saúde ne’e ema 3 mil itál konta ba quatro mil ona tanba ne’e mak ami presiza aumenta tan. Ba 2020, aumenta tan formadór 15 tanba ne’e mak ohin ami hato’o ona ba Primeiru-Ministru espera katak sira aprova,” hateten Diretór António Bonito iha edifísiu Ministériu Finansa, Ai-tarak laran, horseik.

Tuir ezekutivu INS ne’e, formasaun hirak ne’e iha rai laran no mós iha rai li’ur. “Formasaun balun iha laran ita bolu ema mai fó formasaun ba ita nia ema de’it no balun haruka ba rai li’ur hanesan ba Indonézia no Tailándia”.

Tanba ne’e, Diretór INS António Bonito informa katak ba tinan 2020, INS prevee Orsamentu Pakote Fiskál ba saláriu no vensimentu hamutuk 262.888 no mós ba bens servisu 204.786 no orsamentu totál hamutuk iha 467.674.

Diretór Ezekutivu INS, António Bonito iha programa rua hanesan boa governasaun no dezenvolvimentu rekursu umanu no iha programa rua ne’e nia laran mak iha formasaun sira.

Iha dezenvolvimentu rekursu umanu ne’e iha programa lubuk ida hanesan  treinamentu ba  médiku,  enfermeiru no parteira sira.

No, iha boa governasaun ne’e hanesan rekrutamentu ba formadór foun sira no mós formasaun ba jéneru; feto no mane, ne’ebé tuir treinamentu hanesan.

Notísia relevante:MS Prevee Orsamentu Rihun 30 Harii Fatin Hakmatek Ba Vítima Violénsia Doméstika

Jornalista: Felicidade Ximenes

Editór      : Rafy Belo

HAKEREK NO HATÁN

Please enter your comment!
Please enter your name here