Sekretáriu Jerál (Sekjer) g7+, Helder Da Costa. Imajen/g7+

DILI, 09 setembru 2019 (TATOLI)-Sekretariadu g7+, ohin, halo enkontru ho Ministru Justisa (MJ), Manuel Cárceres da Costa, hodi partilla progresu servisu g7+ nian iha nivel mundiál.

Ministru Justisa, Manuel Cárceres da Costa hateten, aproveita enkontru ne’e hodi informa mós kona ba enkontru ministru justisa fulan hirak liu iha Olanda, inklui enkontru nivel Ministériu Justisa   entre nasaun sira membru g7+ nian ne’ebé hala’o iha Singapura, foin lalais ne’e.

Ministru Manuel Cárceres husu mós ba Helder da Costa, nu’udar Sekretáriu Jerál g7+  katak, iha loron 16 Setembru, sei ba iha Coimbra hodi asina nota entendimentu (MoU-sigla inglés) ida hodi haruka timor oan sira ba estuda iha Coimbra, hanesan juis, prokuradór no defensór públiku inklui mós advogadu privadu hodi hasai kursu espesializadu judisiál nian atu hadi’a daudaun setór judisiál Timor nian.

Iha biban hanesan, Helder da Costa hateten, enkontru ho MJ ne’e tanba ministériu refere mós hola parte iha enkontru  nasaun membru g7+ iha area justisa nian.

Ministru Justisa mós relata kona ba atu asina MoU entre Timor Leste no Universidade Coimbra, 16 setembru 2019, hodi bele haruka kuadru timorense sira nain 20 hodi hala’o formasaun judisiál.

Nia esplika, iha Den Hag sai hanesan pro ativu tebetebes hodi update ba malu no kontinua nafatin apoiu ba malu iha dezenvolvimentu judisiáriu ninian.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here