Diretór Ajénsia Dezenvolvimentu Nasionál (ADN), Samuel Marçal. Foto Espesiál.

DILI, 09 setembru 2019 (TATOLI) – Diretór Ajénsia Dezenvolvimentu Nasionál (ADN), Samuel Marçal, hatete ADN hahú prepara estratéjia atu kontrola projetu Estadu sira ne’ebé atu implementa ho Orsamentu Jerál Estadu (OJE) iha 2020.

“Ami sei kontrola rigór ba projetu Estadu sira atu projetu sira ne’ebé uza orsamentu Jerál Estadu 2020 iha kualidade”, Diretór ADN afirma iha edifísiu Ministériu Finansa, Aitarak-Laran, ohin.

Diretór ne’e rekoñese katak durante ne’e iha fallansu barak ba implementasaun projetu Estadu sira.

“Iha tinan 2020 ne’e, ita sei kontrola maka’as atu projetu ne’ebé laiha kualidade ita sei la halo pagamentu no projetu iha kualidade mak foin halo pagamentu”, katak.

Hatán ba númeru projetu hira mak kualidade no hira mak laiha kualidade, Samuel Marçal salienta númeru hira ne’e ladún importante.  “Maibé oinsá ami prepara estratéjia atu kontrola hodi garante kualidade projetu Estadu sira”.

Polítika Oitavu Governu Konstitusionál liuhusi orientasaun Primeiru-Ministru, Taur Matan Ruak, atu kontrola rigór ba projetu Estadu sira atu iha kualidade hodi benefisia povu.

“Ami tuir orientasaun Governu, ne’ebé husu kompañia ka setór privadu sira ne’ebé kaer obra Estadu tenke garante kualidade”, Samuel sujere.

Jornalista : Florencio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here