Xefe Departamentu Jestaun Merkadoria Guarda Munisípiu Dili, Berta Santa Gonçalves Vieira. Imajen/Egas Cristovão

DILI, 06 setembru 2019 (TATOLI)– Xefe Jestaun Merkadoria, Berta Santa Gonçalves Vieira, hateten, sira nia parte kontinua halo operasaun ba fatin ne’ebé mak negosiante sira halo sira nia atividade, hanesan iha estada ibun eis Merkadu Comoro, estrada ibun Delta, Elemloi no estra ibun Audian.

Notísia Relevante : Munisípiu Dili Koloka Seguransa iha Jardín B.J. Habibie

“Ami kontinua hala’o operasaun iha sidade Dili no mós ami sempre ezekuta tuir ordem Munisípiu Dili nian,” hateten Xefe Jestaun Merkadoria, Berta Santa Gonçalves Viera, ba Ajénsia TATOLI, iha nia servisu fatin Matadouru, Dili, kinta (05/09/2019).
Fatin sira ne’ebé mensiona, Berta hateten, proibidu atu ema hala’o atividade negósiu, tanba ne’e bainhira ekipa operasaun kaer kona sei prende sasán sira ne’ebé mak sira fa’an iha fatin hirak ne’e.

Nia hatutan, kona-ba atividade provizóriu iha estrada ibun Kampung Baru nian, parte Jestaun Merkadoria koordena ona ho Polisia Nasionál Timor Leste (PNTL) atu haree karreta sira ne’ebé mak tula modo husi foho mai merkadu ne’e tenke ba hatún iha merkadu Manleuana ho Taibessi nian tamba merkadu rua ne’e mak governu oferese hodi fa’an sasán.

Jornalista : Osória Marques
Editór       : Francisco Simões

HAKEREK NO HATÁN

Please enter your comment!
Please enter your name here