Primeiru-Ministru, Taur Matan Ruak. Imajen: TATOLI

DILI, 5 Setembru 2019 (TATOLI) – Primeiru-Ministru (PM), Taur Matan Ruak, hateten presiza tempu naruk atu rezolve dezempregu rai laran, maski nune’e, Oitavu Governu Konstitusionál kontinua esforsu atu kria kampu serbisu.

Xefe Governu ne’e mós preokupa ho númeru dezempregu ne’ebé kontinua aumenta, maibé la fásil atu bele rezolve iha tempu badak.

“Se fásil karik, Governu rezolve kle’ur ona. La’ós agora mak atu rezolve”, PM Taur hateten lia hirak ne’e iha Palásiu Prezidente Nicolau Lobato, Bairru Pité, kinta ne’e.

Lee mós: Dezempregu Bele Halo Ema Monu iha Depresaun

Antes ne’e, Prezidente Repúblika, Francisco Guterres Lú Olo iha diskursu Komemorasaun Tinan 20 Konsulta Populár hateten situasaun ida ne’ebé sai preokupasaun ba timoroan hotu mak dezempregu.

“Ita-nia ekonomia hakdasak hela ka iha resesaun, hahú iha tinan 2017. Situasaun hanesan ne’e hetok hamenus oportunidade ba empregu, nune’e, obriga ema barak, liliu foinsa’e sira, husik sira-nia rai hodi ba buka serbisu no moris di’ak iha nasaun-sira, hanesan Austrália, Irlanda, Koreia no Inglaterra,” Xefe Estadu haktuir.

Jornalista: Cipriano Colo

Editór: Xisto Freitas

1 KOMENTÁRIU

  1. Hatene hela katak la fasil atu rejolve maibe hosi sorin seluk ministru balun deklara loke kampu trabalho 60000 kada tinan no sec.estadu balun deklara loke kampu trabalho 20000 kada tinan.
    Politika persija iha planu asaun laos politika deklara arbiru hodi halo povo sai duvidas.
    PEDN 2011-2030 Defini klaru, koridor mak neba ona no oinsa maka Gov. Trasa planu hodi responde????
    Ami povo hein….

HAKEREK NO HATÁN

Please enter your comment!
Please enter your name here