Xefe Departamentu Sinál no Tráfiku Diresaun Nasionál Transporte no Terrestre (DNTT) Ministériu Transporte no Komunikasaun (MTK), João Eugénio da Silva.

DILI, 05 setembru 2019 (TATOLI)-Xefe Departamentu Sinál no Tráfiku Diresaun Nasionál Transporte no Terrestre (DNTT) Ministériu Transporte no Komunikasaun (MTK), João Eugénio da Silva, husu motorista taksi no mikrolete atu kumpre regra bainhira hala’o servisu tenke uza uniforme.

Tenke uza uniforme verde ne’ebé maka iha ona, enkuantu la kumpre ida ne’e sei hetan sansaun husi Polísia Tránzitu sira”, João Eugénio afirma iha Balidi, ohin.

Tanba ne’e, nia husu ba patraun taxi no mikrolete sira tenke foti ezemplu husi motorista taksi ARGO nian ne’ebé maka kompañia prepara rasik uniforme ba sira no husu mós atu suku farda verde pár rua hanesan ne’e hodi kondutór sira (taksi kinur no mikrolete) uza troka malu.

“Kór ne’ebé maka DNTT prefere maka verde entaun sira konkorda kór verde, agora daudaun sira uza”, João Eugénio dehan.

Entretantu, DNTT sei la prepara uniforme ba motorista transporte públiku sira.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here