Inspetór Jerál Estadu, Francisco de Carvalho.

DILI, 04 setembru 2019 (TATOLI)-Inspetór Jerál Estadu (IJE), Francisco de Carvalho, husu ba Funsionáriu Públiku no ajente administrasaun Estadu hotu atu utiliza sasán Estadu nian ho kuidadu no kumprimenta ba regra hotu atu bele promove boa governasaun.

Notísia Relevante :IJE Finaliza Investigasaun ba Kazu 22 

IJE Francisco de Carvalho afirma lia hirak ne’e hodi responde Ajénsia TATOLI   relasiona ho rezultadu monitorizasaun ne’ebé IJE hala’o ona iha Instituisaun Estadu sira hatudu katak sei kontinua rejista prátika má administrasaun, má jestaun ne’ebé liga ho ezekusaun orsamentu estadu no utilizasaun patrimóniu Estadu (karreta ho motor).

“Ha’u bele kompara agora  redús ona, duke iha tinan hirak liu ba maka’as liu tanba intervensaun ladún másimu,” afirma Francisco de Carvalho, ba iha ninia servisu fatin, Lecidere,  Dili, tersa (03/09/2019).

IJE iha nia papél  atu promove Governasaun di’ak ba Funsionáriu no ajente estadu hotu atu ida-idak bele hatene ninia kna’ar no responsabilidade. Tanba ne’e, IJE Francisco de Carvalho hateten, funsionáriu ida-idak tenke hatene ninia kna’ar no responsabilidade  hodi uza sasán estadu tuir regra.

Nia hatutan tan katak, IJE kontinua servisu hamutuk Provedoria Diretu Umanu no Justisa (PDHJ-sigla Portugés), Komisaun Anti Korrupsaun (CAC-sigla Portugés), hodi dezmina informasaun no formasaun ba ajente administrasaun públiku sira ne’ebé liga ho diresaun finansa no patrimóniu hodi garante boa-governasaun.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here