Kontra-atake entre jogadór Aitana FC no Assalam FC iha jogu kontinuasaun Tasa 12 Novembru ne’ebé hala’o iha Estádiu Munisipál Dili, ohin. Imajen Mídia LFA

DILI, 4 setembru 2019 (TATOLI)—Jogu kuartu finál Tasa 12 Novembru ne’ebé hala’o iha Estádiu Munisipál Dili, kuarta ne’e,  Assalam FC liki Aitana FC ho golu 4-0.

Hosi rezultadu ne’e, lori ekipa Assalam hakat ba semi finál, iha ne’ebé ekipa refere sei kontra Lalenok United FC hodi hadau malu ba finál.

Golu vitória Assalam prodúz hosi jogadór Mohamad Moming iha minutu 13, Daniel Adadi 21, 62 no Franciatma Kefi 83.

Fó hanoin fali, jogu tuir mai iha semana oin (11/9/2019), Lika-Lika Lemorai FC sei kontra AD SLB. Enkuantu, Boavista FC Timor sei hasoru Académica FC iha 18 setembru.

Entretantu, ekipa haat ne’e sé mak manán sei hasoru malu iha semi finál hodi kontra fali Assalam no Lalenok ne’ebé sei joga iha 2 outubru.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here