Prezidente Partidu Demokrátiku (PD), Mariano Assanami Sabino. Imajen/António Gonçalves.

DILI, 04 setembru 2019 (TATOLI)–Atu hadi’a sistema ekonómika iha rai-laran, Governu tenke envolve direta povu iha atividade ekonómika nian.

“Governu tenke envolve povu hotu iha atividade ekonómika no tau importánsia ba setór produtivu sira, hanesan turizmu, agrikultura, peska, floresta”,  membru Komisaun D ne’ebé trata asuntu Ekonomia no Dezenvolvimentu, Mariano Assanami Sabino ba Ajénsia Tatoli, hafoin remata serimónia Marsa Pás iha ámbitu komemorasaun 4 setembru iha Sentru Konvesaun Dili (CCD, sigla portugés), ohin.

Nia salienta Governu tenke iha planu integradu hodi hasa’e kreximentu ekonómiku Timor-Leste nian di’ak liután.

Aléinde ne’e, eis ministru agrikultura adianta Governu tenke prioritiza setór produtivu sira, nune’e mós kondisiona investimentu reál iha rai ne’e, liuhosi loke indústria no fó oportunidade ba timoroan atubele asesu ba postu traballu.

Nia rekoñese Governu haruka ona timoroan ba rai-li’ur no osan ne’ebé maka sira hetan komesa sustenta ekonomia família nian.

“Ita-nia Governu buka meiu oinsá kria kondisaun ba povu nune’e bele dudu ekonomia Timór nian di’ak liután ba oin” katak.

Jornalista: Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here