Jardín 12 Novembru Motaél. Imajen/Osória A.Marques

DILI, 03 setembru 2019 (TATOLI)-Maske projetu konstrusaun Jardín 12 Novembru Motaél la iha  koñesimentu husi autoridade Suku Motaél, maibé sira kontinua fó kontribuisaun ba desizaun Governu.

Notísia Relevante : MTKI Hanaran Jardín “12 de Novembro Motael” Tanba Haree ba Estátua

 

Xefe Suku Motaél Interinu, Duarte A. C. Araújo,

Xefe Suku  Motaél Interinu, Duarte A. C. Araújo, hateten, Jardín Motaél ne’ebé mak hanaran 12 Novembru Motaél ne’e parte autoridade lokál laiha koñesimentu.

“Ami autoridade lokál laiha koñesimentu kona-ba Jardín ho naran 12 Novembru Motaél ne’e,” informa Xefe Suku Interinu Motaél, Duarte A. C. Araújo, ba Ajénsia TATOLI, ohin, iha nia knaar fatin, sede suku Motaél, Dili.

Nia lia tun dehan, tuir loloos monumentu ka Jardín 12 Novembru tau iha Santa Krús tanba akontesimentu pasadu ne’e iha ne’ebá, la’ós iha Motaél, maibé buat hirak ne’e governu mak deside katak fatin Motaél mak bele tau 12 Novembru Motaél entaun autoridade hotu iha Suku Motaél kontribui.

Nia dehan, públiku barak mak kestiona naran 12 Novembru Motaél ne’e tanba istória pasadu la’o sees ona ho realidade akontesimentu.

Duarte Araujo hateten nu’udar autoridade lokál iha devér hodi fó kontribuisaun ba nasaun doben ida ne’e tanba ne’e jardín sira sempre tau matan ba fasilidade ne’ebé instala iha jardín refere.

“Maske Ami laiha  koñesimentu maibé ami kontinua husu ba juventude sira atu labele halo fo’er no hemu iha jardín tanba jardín ne’e fatin ba ema atu halo ezersísiu, refreshing no mós atividade pozitivu sira seluk,” hateten Duarte Araújo.

 Jornalista : Osoria Marques

Editór       : Francisco Simões

HAKEREK NO HATÁN

Please enter your comment!
Please enter your name here