iklan

DESPORTU, HEADLINE

FFTL Desidi Treinadór Ponta Leste Lidera Selesaun Nasionál U-19

FFTL Desidi Treinadór Ponta Leste Lidera Selesaun Nasionál U-19

Jogadór Boavista de Timor selebra sira-nia vitória. Imajen Mídia LFA

DILI, 03 setembru 2019 (TATOLI) – Federasaun Futeból Timor-Leste (FFTL)  fó ona konfiansa ba treinadór klube Ponta Leste, Eduardo Pereira hodi lidera selesaun nasionál U-19, ne’ebé sei prepara ba jogu Asian Football Confederation (AFC), iha Indonézia, novembru tinan ne’e.

“Hafoin jogu Asian Football Federation (AFF), parte Federasaun Futeból Timor-Leste liuhosi Diresaun Tékniku no Deputi Sekretáriu Jerál, halo samada mai ha’u hodi husu atu kaer fali selesaun nasionál U-19″, dehan Eduardo Pereira iha Edifísiu FFTL, Bairro Formosa, tersa ne’e.

Nia agradese ba knaar ne’ebé nia simu, maski todan tanba sei lori jogadór sira partesipa iha jogu internasionál.

“Sente ida ne’e todan, maibé hanesan timoroan pasiensia simu hodi halo tuir. Iha tinan hirak ba kotuk, Federasaun fó fiar ha’u hodi kaer selesaun nasionál ba partesipa iha tasa Hosana Bolkeia hodi hetan rezultadu ne’ebé di’ak, tanba ne’e mak sira fó fiar nafatin mai ha’u”, nia haktuir.

Ohin hanesan loron da-huluk ba sira hala’o treinamentu iha kampu FFTL, maibé treinadór ne’e sei preokupadu hela tanba klube balun seidauk hala’o servisu ho másimu  hodi ofrese jogadór.

Maski nune’e, ba oin nia fiar jogadór hotu bele kopera ho di’ak atu nune’e bele hetan rezultadu di’ak iha jogu refere.

Tuir kalendáriu, Timor Leste grupu ida ho Indonezia, Koreia Súl no Honkong.

Jornalista: Hortençio Sanchez

Editór: Xisto Freitas

iklan
iklan

Leave a Reply

iklan
error: Content is protected !!