Reitór Universidade Nasionál Timor Lorosa’e (UNTL), Francisco Miguel Martins. Imajen/TATOLI

DILI, 03 setembru 2019 (TATOLI)– Universidade Nasionál Timor Lorosa’e (UNTL) ho apoiu husi operadora telekomunikasaun Telkomcel, ohin, lansa ona biblioteka dijitál hodi bele fasilita estudante no dosente sira hodi asesu ho gratuita matéria universidade no artigu sientifíku sira.

Reitór UNTL, Francisco Miguel Martins informa katak biblioteka dijitál ne’e fasil tebes atu asesu husi estudante sira liuhusi aplikasaun “Play Store” depois hatama Númeru Rejistu Estudante (NRE), bele hetan kualker matéria tuir departamentu idaidak nian.

“Link ne’e rasik hahu asesu depois hetan ona lansamentu,” hateten Reitór Francisco Miguel Martins ba jornalista sira iha Kampus Sentrál, UNTL, hafoin lansamentu biblioteka online ne’e.

Tuir Akadémiku ensinu superiór públiku ne’e katak alende estudante sira, link ne’e mós bele asesu husi dosente sira ne’ebe mak frekuenta iha UNTL. Sira bele uza númeru funsionáriu nian hodi hetan livru referénsia atu bele hanorin iha aula.

“Maibé link sira ne’e hotu iha mós ninia kódigu segredu atu nune’e ema seluk la bele asesu. Tan ne’e seis númeru dijit ne’e mak sei garante ninia konfidensiál Biblioteka UNTL nian,” hateten Reitór Francisco Miguel Martins.

Entretantu, serimónia lansamentu atualizasaun Bioblioteka dijital on- line ne’e hetan partisipasaun husi embaxadór Japaun mai Timor-Leste, Xefe Ezekutivu Telkomcel, Yogi R. Bahar, Diretór Ezekutivu ANAAA (Agência Nacional para Avaliação e Acreditação Academica), Edmundo Viegas inklui dosente no estudante sira hotu.

Notísia relevante:Telkomcel Apoia Biblioteka Dijitál Ba UNTL

UNTL Komemora “Dies Natalis” ho Lansamentu Biblioteka Dijitál

Jornalista : Tomé Amado

Editór.        : Rafy Belo

HAKEREK NO HATÁN

Please enter your comment!
Please enter your name here