Prezidente Parlamentu Nasionál, Arão Noé de Jesus da Costa Amaral. Imajen Egas Cristovão

DILI, 2 setembru 2019 (TATOLI)— Prezidente Parlamentu Nasionál, Arão Noé de Jesus da Costa Amaral, hateten reapresiasaun ba artigu balun iha Lei Fundu Petrolíferu (LFP) no Lei Atividade Petrolífera (LAP) presiza de’it maioria kualifikada, la presiza dois terços.

Arão dehan, molok halo reapresiasaun sei rona mós opiniaun hosi governu kona-ba dekretu rua ne’ebé Prezidente Repúblika veta, tanba governu hanesan proponente.

“Lei rua ne’e hotu ninia votu presiza de’it maioria kualifikada maibé la presiza dois terços, tanba matéria lei rua ne’e la tama iha artigu 95 númeru 2. Votu liu 33 bele konfirma fali hodi haruka fali ba Prezidente Repúblika”, Arão Noé ba jornalista sira, iha Parlamentu Nasionál, segunda ne’e.

Lee mós: Prezidente Republika Veta Dekretu PN

Nia dehan, Parlamentu Nasionál bele halo tuir alterasaun bazeia ba pareser hosi Tribunál Rekursu.

“Haruka fali ba Prezidente Repúblika hanesan lei foun ka bele liuhosi Lei númeru 1/2019 primeira alterasaun ba Lei Atividade Petrolífera sei iha kabimentu legál para finansia ne’e kabe ba Parlamentu Nasionál nian”, nia esplika.

Tanba ne’e, Parlamentu Nasionál sei iha loron 90 hodi halo reapresiasaun, maibé oras ne’e iha prosesu resesu hela.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here