Prizoneiru sira iha Prizaun Becora transfere ba Prizaun Suai, segunda 92/09/2019). Imajen/Antonio Goncalves

DILI, 2 setembru 2019 (TATOLI)–Diretór Estabelesimentu Prizaun Becora, João Domingos, informa, kuaze prizioneiru sira iha Prizaun Becora hatudu komportamentu di’ak.

Notísia Relevante : Dadur 45 iha Becora Transfere ba Prizaun Suai 

“Ha’u hanoin dadur sira hatudu komportamentu ne’ebé mak di’ak ninia indikadór too agora, públiku ladauk haree asaun violentu ruma hasoru autoridade prizaun iha prizaun laran,” tenik João Domingos ba Ajénsia TATOLI, ohin, bainhira remata transferénsia prizioneiru na’in 45 ba Prizaun Suai.

Nia mós hatutan, ba prizioneiru sira ne’ebé mak hetan ona absolve ou liberdade husi desizaun Tribunal, ba fali sira nia hela fatin, rona informasaun katak sira hatudu ezemplu ne’ebé mak di’ak tebes iha sosiedade nia leet.

Jornalista         : Domingos Piedade Freitas

Editór               : Francisco Simões

HAKEREK NO HATÁN

Please enter your comment!
Please enter your name here