Jurista Timoroan, Avelino Coelho.

DILI, 2 setembru 2019 (TATOLI) – Jurista Timoroan, Avelino Coelho, informa, tratadu fronteira marítima entre Timor-Leste ho Australia hahú tama ona iha vigor katak iha loron 30 fulan agostu 2019, governu rai rua liu husi serimónia ofisial troka nota diplomátika sira Marítima tasi timor.

Nia esplika troka nota diplomátika husi rai rua nee konsidera hanesan ezersísiu dispozisaun direitu international ne’ebé liga ho oinsá tratadu ida bele vigora.

“Automatikamente trataduentra em vigor. Agora saida maka governu tenke halo maka define prioridade esplorasaun riku soi iha tasi Timor nian,” esplika Avelino Coelho ba Ajénsia TATOLI, ohin, liuhusi komunikasaun WhatsApp.

Prezidente Partidu Sosialista Timorense (PST) ne’e  esplika liu tan, benefísiu husi troka nota diplomátika mak tratadu vigora iha direitu internu Estadu rua ne’e. Signifika katak, Timor-Leste iha ona espasu marítimu ne’ebé nia soberania no rekoñesidu husi estadu parte ba tratadu.

Hatán kona ba rekursus umanus no fasilidade sufisiente hodi fasilita esplorasaun, Avelino Coelho hateten, katak iha ona timoroan lubuk ne’ebé mak matenek no fasilidade natoon hodi hala’o servisu tanba nee, presiza fó oportunidade ba sira.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here