iklan

INTERNASIONÁL, HEADLINE

Timor-Leste Iha Istória Luta Independénsia Hanesan Guiné-Bissau

Timor-Leste Iha Istória Luta Independénsia Hanesan Guiné-Bissau

Primeiru-Ministru, Taur Matan Ruak no Primeiru-Ministru Guiné-Bissau, Aristides Gomes ho ninia delegasaun. Imajen TATOLI/Egas Cristovão

DILI, 31 agostu 2019 (TATOLI) – Primeiru-Ministru (PM), Taur Matan Ruak, simu vizita kortezia husi ninia omólogu Guineense, Aristides Gomes, hamutuk ho delegasaun, kompostu husi Ministru Negósiu Estranjeiru Komunidade Repúblika Guiné-Bissau, Suzi Carla Barbosa, Sekretáriu Estadu Jestaun Eleitorál, Julio César Nosolini no Konselleiru Primeiru-Ministru, Francisco Conte.

Aristides Gomes haktuir, enkontru ohin hatudu relasaun di’ak entre Guiné-Bissau no Timor-Leste, hanesan nasaun ne’ebé forte iha istória.

Primeiru-Ministru, Taur Matan Ruak ho ninia omólogu Guineense, Aristides Gomes. Imajen TATOLI/Egas Cristovão

“Ami iha identidade hanesan iha kriasaun nasaun, ami mai husi prosesu ne’ebé hanesan ba luta independénsia. Tanba ne’e ami tenke prezerva indentidade ida ne’e hodi serví nafatin nasaun no halo kooperasaun ba dezenvolvimentu nasaun”, nia tenik ba jornalista sira iha Palásiu Governu, sábadu ne’e.

Governante Guineense ne’e konsidera, Timor-Leste hanesan nasaun boot ida husi nia dimensaun istórika no agora dadauk luta hela ba dezenvolvimentu.

Nia mós dehan, nasaun rua ne’e nafatin mantein kooperasaun ne’ebé di’ak.

“Agora dadauk Timor-Leste ajuda Guiné-Bissau hodi sai husi periúdu instabilidade polítika no kria kondisaun ba estabilidade ne’ebé di’ak liután, ne’ebé hanesan baze ba dezenvolvimentu”, nia subliña.

Jornalista: Julia Chatarina

Editór: Xisto Freitas

iklan
iklan

Leave a Reply

iklan
error: Content is protected !!