Primeiru-Ministru Austrália, Scott John Morrison. Foto: The Star

DILI, 30 agostu 2019(TATOLI)- Primeiru-Ministru (PM) Austrália, Scott Jhon Morrison hamutuk ho delegasaun 14 husi Austrália, ohin dader tuku 11.00 Otl (Oras Timor-Leste) to’o iha Aeroportu Nicolau Lobatu Dili ho Aviaun Royal Australian Air Force, númeru A36002.

Hafoin Xefe Governu Australianu ne’e tuun husi aviaun, simu direta husi Ministru Reforma Lejistiva no Asuntu Parlamentár, Fidelis Magalhães no mós Diretór Jerál Ba Asuntu Konsulár, Protokulu no Mídia Ministériu Negósiu Estranjeiru no Kooperasaun (MNEK), Juvêncio de Jesus Martins.

Bainhira to’o, Primeiru-Ministru Scott Jhon Morrison hateten ba jornalista sira ho lalais de’it katak sente kontente hetan konvite hodi mai partisipa loron Konsulta Populár ba dala-20.

Entretantu, tuir ajenda Komisaun Organizadora, Sesaun Protokolu no Serimoniál, orsida loro-kraik 15.30 otl, sei iha mós bainaka ikus, reprezentante delegasaun Parlamentu Japaun no MNEK Japaun, Norikazu Suzuki.

Jornalista: Nelia Borges

Editór     : Rafy Belo

HAKEREK NO HATÁN

Please enter your comment!
Please enter your name here