DILI, 30 agostu 2019 (TATOLI) – Hotel Timor oferese hahán ho menu luzófona no hahán Timor-Leste nian ba Very Important Person (VIP) iha ámbitu komemorasaun tinan 20 Loron Konsulta Populár, 30 agostu.

Horisehik no ohin, Hotel Timor maka oferese hahán ba VIP sira iha Palásiu Prezidensiál no parte Primeiru-Ministru nian.

“Durante loron rua nia laran hanesan festa importante ba Timor-Leste, tanba ne’e Hotel Timor maka oferese alimentasaun ba VIP sira”, Diretór Hotel Timor, Tiago Barata, ba Ajénsia Tatoli iha Ministériu Finansa, Aitarak-laran, ohin.

Nia dehan Hotel Timor sente onradu tebes tanba bele fornese hahán hanesan “batatas fritas e bebidas” no seluk tan ba ema 200-resin ho di’ak, no VIP bele to’o ema 100-resin.

“Ema parese hamutuk 200-resin, maibé VIP maka ema na’in-100, ami atende sira ho di’ak to’o agora”, hakuir nia.

Hotel Timor nia relasaun serbisu ho Gabinete Primeiru-Ministru tinan barak ona hodi serví Estadu Timor-Leste.

Jornalista : Zezito Silva

Editora  : Maria Auxiliadora

HAKEREK NO HATÁN

Please enter your comment!
Please enter your name here