DILI, 30 agostu 2019 (TATOLI) – Estudante ensinu Sekundária sira apresia governu Timor-Leste no Austrália tanba hatudu ona komprimísu hodi asina dokumentu Tratadu Fronteira Marítima (FM).

Reprezentante Estudante Ensinu Sekundária 12 Novembru, Marcelino da Costa dos Santos apresia esforsu Eis-lider Rezisténsia Xanana Gusmão nian hodi ohin nasaun rua ne’e bele hamutuk asina dokumentu tratadu FM

“Liuhusi Maun-boot Xanana nia esforsu ohin TL no Austrália bele hamutuk asina dokumentu Fronteira Marítima nian,” hateten Reprezentante Marcelino da Costa ba Jornalista TATOLI iha Palásiu Governu, ohin.

Nu’udar jerasaun foun, nia konvida joven maluk sira ne’ebe sei eskola atu kontinua estuda maka’as. Susesu ne’ebé mak Maun-boot Xanana halo ona, susesu ba povu, susesu mós ba juventude timoroan sira hotu.

“Tan ne’e mai maluk juventude no maluk estudante sira hotu haka’as aan estuda atu sai matenek hodi kontinua tane nasaun soberanu ida ne’e. Sakrifisiu ne’ebé nia halo ona sei rai hotu ba kontinuadór sira tuir mai,” nia husu.

Nune’e mós, Estudante Eskola Ensinu Sekundária Paulo VI, Anabela Santa Maria do Rosário kontenti tanba TL bele asina ona dokumentuu FM ho Austrália . “Ida ne’e nu’udar vantajen bo’ot ida ba povu TL liuliu jerasaun foun βsira. Nu’udar estudante sei haka’as aan estuda atu bele dezenvolve nasaun ida ne’e ba futuru ida di’ak liu”.

Enkuantu, Estudante Ensinu Sekundária Tékniku Vokasionál Becora, Yofita da Costa mós kontente ho serimónia ida ne’e tanba bele hetan oportunidade hodi asisti lala’ok sira ne’e. Nu’udar Estudante nia orgullu tanba liuhusi asina dokumentu FM ne’e hatudu katak TL hetan duni ona ninia soberania ida loloos.

Tanba ne’e hanesan jerasaun foun nia hakarak fó parabéns ba estadu, nasaun rua nian; TL- Austrália, ba ema ne’ebé de’it mak apoiu prosesu ne’e, espesialmenteEis-Lider Rezisténsia, Xanana Gusmȃo.

Notísia relevante:TL no Austrália Troka Ona Nota Diplomátika, Ratifika TFM

Jornalista :Tomé Amado

Editór        : Rafy Belo

HAKEREK NO HATÁN

Please enter your comment!
Please enter your name here