Prezidente Repúblika, Fransisco Guterres Lú Olo entrega medulla kondekorasaun ba Governu Repúblika Vanuatu ho Grau Colar da Ordem de Timor-Leste ne’ebé simu direita husi, Primeiru Ministru Vaneatu, Hon Charlot Salwi. Imajen/PR

DILI, 30 agostu 2019 (TATOLI) – Estadu Timor-Leste atribui medalla Orde Timor ba pesoál estranjeiru sira ne’ebé kontribui Timoroan sira nian luta ba ukun rasik án.

Rekoñesementu ne’e atribui iha ámbitu selebrasaun tinan 20 referendu no prezensa forsa internasionál iha Timor-Leste (INTERFET-sigla inglés) ne’ebé hala’o iha Tasitolu, perante bainaka sira.

Prezidente Republika, Fransisco Guterres Lú Olo, atribui medalla Orde de Timor ba pesoál sidadaun estranjeru sira ne’ebé kontribui Timor-Leste nian luta ba libertasaun pátria. Imajen mídia PR

Atribuisaun ne’e bazea ba dekretu Prezidénsia Repúblika, númeru 41/2019, 26 agosto 2019, hodi rekoñese entidade no individu ne’ebé serbisu hamutuk kompatriota Timoroan iha diaspora hodi kontribui ba prosesu independensia.

Estranjeru sira ne’ebé simu kondekorasaun husi Prezidente Repúblika, Fransisco Guterres Lú Olo, mak Marie Colvin, sidadaun Estadu Naklibur Amerika (USA-sigla inglés), Michael Hodgman, (Condecoração póstuma, pai do Primeiro-Ministru da Tasmãnia Tim Hodiman-Austrália), Marc R. Pacheco husi USA, António Sampaio husi Portugál, no Chalida Tajaroensuk husi Tailándia kondekoradu ho Grau Insignia da Ordem de Timor-Leste.

Amigu seluk ne’ebé simu rekoñesementu mak Andrea Neeham, (Británika), Angie Zeltner, (Británika), Joanna Wilson, (Británika), Lotte Kronlid, (Británika), Irena Cristalis (Holandeza), Minka Nijhuis, (Holandeza) no Fernando de Mendonça d’Oliveira, (Portugés).

Estadu mós kondekora Prezidente Asembleia Republika Portugál, Eduardo Ferro Rodriques no Governu Repúblika de Vanuatu ho Grau Colar da Ordem de Timor-Leste ne’ebé simu direita husi, Primeiru Ministru Vanuatu, Hon Charlot Salwi.

Tuir informasaun ne’ebé Tatoli asesu husi Komisaun Organizadora haktuir, Xefe Estadu sei atribui mós kondekorasaun ho Grau Medalha da Ordem Timor-Leste ba Francesc Vendrell no Grau Insignia da Ordem de Timor-Leste ba Tamrat Samuel ne’ebé dekreta duranta mandatu Prezidente Repúblika, José Ramos Horta ho dekretu Prezidente númeru 25/2009.

Francesc Vendrell no Tamrat Samuel nu’udar figura prinsipál sira husi ONU ne’ebé haklaken direitu autodeterminasaun ba Timor-Leste.

Entretantu lista naran ba sidadaun estranjeru sira ne’ebé sei hetan kordekorasaun iha tempu tuir mai maka Estadu Portugál, Eis Sekretariu Jerál Organizasaun Nasaun Naklibur sira (ONU-sigla portugés), Kofi Annan, ho (Codecoração póstuma).

Eis Prezidente USAE, Bill Clinton, no Saudozu Xefe UNMIT ba Timor-Leste, Sergio Viera de Melo.

Tuir planu iha selebrasaun 20 Setembru misaun dame INTERFET nian, Estadu Timor-Leste sei atribui mós medalla ba sidadaun estranjeiru balun tan.

Jornalista: Eugénio Pereira

Editora: Rita Almeida

HAKEREK NO HATÁN

Please enter your comment!
Please enter your name here