"Ordem de Timor-Leste" Medalha. Imajen/Mídia PR

DILI, 29 agostu 2019 (TATOLI) – Xefe Estadu Francisco Guterres Lú Olo, revoga Dekretu Prezidente Repúblika nú.40/2019, 26 agustu 2019, hodi halo alterasaun ba individu na’in-haat hanesan Michael Hodgman no Marc R. Pacheco husi Estadu Unidu Amérika (EUA), António Sampaio husi Portugal no Chalida Tajaroensuk husi Tailandia.

Sidadaun estranjeiru hirak ne’e sei kondekora ho Grau Insignia da Ordem de Timor-Leste ba Grau Medalha da Ordem de Timor-Leste, liuhusi Dekretu Prezidente Repúblika númeru 41/2019.

Tuir komunikadu ne’ebé Ajénsia TATOLI asesu iha Palásiu Prezidensiál katak Xefe Estadu iha ámbitu komemorasaun tinan 20 Referendu no Misaun  International Forces for East Timor (INTERFET), sei fó kondekorasaun ba entidade no individu na’in-17 ne’ebé durante luta ba libertasaun Pátria serbisu hamutuk kompatriota timoroan iha diaspora hodi kontribui ba prosesu autodeterminasaun povu Timor-Leste.

Prezidente Repúblika kondekora Grau Grande-Colar da Ordem de Timor-Leste ba Bill Clinton, eis Prezidente Estadus Unidus da Amérika no ba Kofi Annan, Eis Sekretáriu Jerál ONU ho títulu póstume.

Nune’e mós kondekora  Assembleia da República (República Portuguesa) no Governu Repúblika de Vanuatu ho Grau Colar da Ordem de Timor-Leste.

Marie Colvin, sidadaun husi Estadus Unidus Amerika  no Michael Hodgman husi Australia simu kondekorasaun ho Grau Medalha da Ordem de Timor-Leste ho títulu póstume.

Australian Council of Trade Union, Andrea Neeham, sidadaun británika, Angie Zeltner, sidadaun británika, Joanna Wilson, sidadaun británika, Lotte Kronlid, sidadaun británika, Irena Cristalis, sidadaun holandeza, Minka Nijhuis, sidadaun holandeza no Fernando de Mendonça d’Oliveira, sidadaun portugés, Marc R. Pacheco husi Estadus Unidus da Amerika, António Sampaio husi Portugal no Chalida Tajaroensuk husi Tailandia hetan kondekorasaun ho Grau Medalha da Ordem de Timor-Leste.

Prezidente Repúblika sei entrega kondekorasaun ho Grau Medalha da Ordem Timor-Leste ba Francesc Vendrell no Grau Insignia da Ordem de Timor-Leste ba Tamrat Samuel ne’ebé dekreta duranta mandatu Prezidente Repúblika, José Ramos Horta ho Dekretu Prezidente númeru  25/2009. Francesc Vendrell no Tamrat Samuel nu’udar figura prinsipál sira husi ONU ne’ebé haklaken direitu auto-determinasaun ba Timor-Leste.

Jornalista : Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here