Veteranu Mário de Sousa Guterres 'Nunura'. Imajen Tatoli/Hortençio Sanchez

DILI, 29 agostu (2019) TATOLI—Veteranu Mário de Sousa Guterres ‘Nunura’, hateten hahú hosi ukun-aan to’o ohin loron dezenvolvimentu Timor-Leste (TL) la’o di’ak tuir kbiit nasaun nian.

“Prosesu dezenvolvimentu agora la’o dadaun hela. Ita labele dehan laiha. Dezenvolvimentu la’o dadaun tuir ita-nia kbiit no posibilidade. Se ita kompara ho nasaun sira seluk ne’e, ukun-aan tinan 40 resin ona maibé povu barak sei moris hela iha ponte okos maibé ita Timor laiha,” dehan Nunura ba Agência Tatoli iha Praia dos Coqueiros, Dili, ohin, bainhira husu ninia observasaun kona-ba dezenvolvimentu TL durante tinan 20.

Nia esplika, dezenvolvimentu la’o di’ak mak hanesan iha área infraestrutura, eletrisidade, bee-moos ba povu sufisiente ona maski hela parte balun seidauk.

Tanba ne’e, nia husu ba Governu tenke aselera di’ak liután prosesu hirak ne’e atu bele lori moris di’ak ba nasaun no povu.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here