Estatua João Paulo II, Tasitolu. Imajen hosi google/Isabel Nolasco

DILI, 29 agostu 2019 (TATOLI) – Diretór Kompañia Rivio Contraction Lda, Nazario Aparicio Guterres,  hatete kompañia sei finaliza projetu pinta Kapela São João Paulo II no taka dalan kuak iha área ne’ebá,  bazea ba kontratu ho Ministériu Turizmu  Komérsiu no Indústria (MTKI), sei finaliza iha fulan-setembru 2019.

Notísia Relevante : Rivio Construction Pinta Kapela João Paulo II

“Ami nia servisu  bazea ba kontratu ne’ebé mak Ministeriu Turizmu Komérsiu no Indústria fó ho durasaun fulan ida, maibé ami kontinua esforsu atu bele finaliza agora”, dehan Diretór ba TATOLI iha João Paulo II Tasitolu, ohin.

Nia esplika projetu ne’e  implementa iha ámbitu  preparasaun tinan 20, loron  konsulta populár no prezensa misaun INTERFET iha Timor-Leste.

Kompañia konsege pinta ona Kapela São João Paulo II, maibé sei falta de’it maka dalan kuak ne’ebé dadaun ne’e iha prosesu reabilitasaun.

“Selebrasaun tinan 20 konsulta populár aban ona maibé ami garante katak bainaka mai vizita fatin no jardin, tanba fatin ne’e mós kompleta bee ho hariis fatin”, esplika tan.

Entretantu, kompañia hahú ona projetu ne’e iha loron 6 fulan-agostu no sei termina iha setembru.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here