Ministru Defeza Portugál, João Gomes Gravinho uainhira hasoru malu ho Primeiru Ministru Taur Matan Ruak, iha Palacio Governu 29 Agostu 2019. Imajen/Antonio Goncalves

DILI, 29 agostu 2019 (TATOLI) – Ministru Defeza Portugal, João Gomes Cravinho,  hateten Portugal disponível fó apoiu ba Timor-Leste iha kualker área bainhira presiza.

“Hanesan satisfasaun no alegria boot, komunika ho Primeiru-Ministru atu bele nafatin kontaktu ho Portugal bainhira presiza apoiu ruma, iha área saida de’it, ne’ebé iha ona kooperasaun no ida ne’ebé iha perspetiva barak ba kooperasaun iha futuru”, nia tenik ba jornalista sira iha Palásiu Governu, kinta ne’e.

Governante portugués ne’e hetan konvite husi Governu Timor-Leste hodi partisipa iha komemorasaun tinan 20 Konsulta Populár no aproveita oportunidade ne’e, nia ho delagasaun vizita Primeiru-Ministru, Taur Matan Ruak.

“Hanesan previléjiu ida, bele hasoru malu ho Primeiru-Ministru. Ba ha’u ida ne’e hanesan alegria espesiál, bainhira iha ne’e hodi reprezenta Estadu portugés, tanba iha tinan kotuk liubá ha’u iha ne’e”, nia subliña

Nia haktuir, vizita Timor-Leste dala-barak ona, maibé bainhira hare tinan 20 hafoin referendu hanesan refleksaun ida no Timor-Leste iha avansa iha dékada rua nia laran.

“Reuniaun interesante tebes no pasa inforsasaun saida mak muda ona iha Timor-Leste no hare ba perspetiva iha futuru, ne’ebé di’ak no iha perpetiva ne’e inklui mós amizade Portugal nian”, nia dehan.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here