Foto : #Oan_Timor, hosi Pájina facebook EDTL.

BOBONARU, 29 agostu 2019 (TATOLI) – Mate Isin, Andre Afonso, nu’udar tékniku hosi Kompañia Hedge Eletric Unipessoal Lda, ohin to’o ona iha postu administrativu Lolotoe munisípiu Bobonaru hodi prepara ba seremonia funebre  ne’ebé  tuir planu sei halo’ot  iha semana ida ne’e.

Notísia Relevante : Eletrisidade Soke Andre Afonso Hakotu Iis

Matebian ninia isin mate to’o iha suku Deudet, postu administrativu Lolotoe, munisípiu Bobonaru iha tuku 11:05, simu diretamente husi família ho matawen.

Martinha Belo, nu’udar inan ba TATOLI sente soké bainhira simu informasaun katak ninian oan husik ona mundu.

Notísia Relevante : Kompañia Hedge Electric Sei Tau-Matan ba Família Matebian Andre Afonso Ne’ebé Eletrisidade Soke

“Ha’u la puas, rona katak ha’u nia oan mate ona, sente laran dodok teb-tebes, maibé tanba destiñu nu’udar familia hakarak husu ba Estadu hodi serbisu hamutuk ho kompañia atu bele fasilita matebian nia oan nain rua nia futuru”, dehan nia ho tanis.

Andre Afonso, moris iha aldeia Deudet, suku Deudet, postu administrativu Lolotoe, munisipiu Bobonaru, oan hosi Fransisco Xavier no Martinha Belo ho maun alin nain haat.

Matebian husik hela fen ho kondisaun grávida no  oan mane ida.

Jornalista: Domingos Piedade Freitas

Editór: Agapito dos Santos

HAKEREK NO HATÁN

Please enter your comment!
Please enter your name here