Primeiru-Ministru, Taur Matan Ruak. Imajen TATOLI/António Goncalves

DILI, 29 agostu 2019 (TATOLI) – Primeiru-Ministru Taur Matan Ruak, fó bem-vindu ba bainaka sira ne’ebé to’o ona iha Díli husi nasaun 38, ne’ebé sei partisipa iha komemorasaun tinan 20 Konsulta Populár no Misaun INTERFET, iha Tasi Tolu, loron 30 agostu 2019

“Aproveita oportunidade ida ne’e, fó bem-vindu no saudasaun espesiál ba ita-nia konvidadu sira tomak ne’ebé ita konvida hosi nasaun 38, balun Xefe Estadu, balun Xefe Governu, balun reprezentante no enviadu espesiál  no balun ita-nia amigu sira ne’ebé uluk serbisu ho ita  no ohin mai emosaun ho ita. Haree ba kotuk no haree ba agora  sira emosaun loos, ita hakat liu tinan 20  haree fotografia sira uluk ita fuuk sei metan oin kabuar, ohin ita oin-seluk mas energia iha nafatin”,  tenik Xefe Governu.

Tuir portal ofisiál Gabinete Primeiru-Ministru, bainaka hirak ne’e kompostu husi VVIP ema na’in 6, VIP nível Ministru na’in 24, delegasaun ba VVIP no VIP na’in 49, delegasaun seluk na’in 123, korpu diplomátiku non rezidente na’in 17, korpu diplomátiku rezidente no organizasaun internasionál na’in 21, Forsa Defeza hosi Austrália no Nova Zelandia na’in 23, Ativista ba Diretu Umanu na’in 12 no amigu Timor-Leste-Alemaña na’in 3.

Tuir mai programa ba atividade loron 30 agostu, husi Komisaun Organizadora ba Selebrasaun Aniversáriu Referendu (Konsulta Popular) ba dala 20 no Misaun INTERFET nian:

8.30h – Hasa’e Bandeira Nasionál iha resintu Tasi Tolu hosi Falintil-Forsa Defeza Timor-Leste (F-FDTL).  Fatin :Tasi Tolu

9.00h – Sesaun solene iha Parlamentu Nasionál. Fatin: Tasi Tolu
a) Diskursu hosi Reprezentante Espesiál Sek. Jerál ONU nian;
b) Diskursu hosi Prezidente Asembleia Nasionál Kabu Verde nian, Jorge Santos;
c) Diskursu hosi Prezidente Asembleia Repúblika Portugueza nian, Eduardo Ferro Rodrigues;
d) Diskursu hosi Prezidente Parlamentu Nasionál, Arão Noé de jesus da Costa Amaral.

12.30h – Almosu ne’ebé Primeiru-Ministru oferese ba konvidadu sira Edifísiu Ministériu Finansa

14.30h – Inísiu konsentrasaun públiku iha resintu Tasi Tolu

15.00h – 17.30h – Inísiu ba atividade kulturál sira (grupu muzikal, dansa, nst.) no entrega prémiu desportivu, arte, no seluseluktan. Fatin:Tasi Tolu

a) Ensemble Percussion;
b) Banda Musica Ira Bin;
c) Entrega prémiu ba konkursu Koru, Poezia no Sertame;
d) Aprezentasaun Koru;
e) Aprezentasaun Poezia;
f) Entrega prémiu ba Dansa Tradisionál, artista plástiku (pintura no eskultura) no artezanatu tradisionál;
g) Aprezentasaun Dansa Tradisionál;
h) Banda múzika (Maubere + Díli Allstars);
i) Mari Vitoria (Marvi)

16.30h – Troka Nota entre Timor-Leste no Austrália kona-ba Ratifikasaun Tratadu ba Fronteira Marítima. Fatin : Palásiu Governu.

17.15h – Konvidadu de onra sira to’o iha Tasi Tolu (akompaña ho son Orkestra Berliku Fanun Rai)

17.45h – Inísiu serimónia iha Tasi Tolu:

a) Inu Nasionál (reduz iluminasaun no foka ba Koru); (minutu 5)
b) Orasaun Ekuménika; (minutu 15)
c) Maubere Timor – Atuasaun muzikál ho projesaun imajen; (minutu 6)
d) Mensajen hosi Sek. Jeral ONU nian;
e) Minutu de Silénsiu – diriji hosi PR;
f) Diskursu hosi S.E. Prezidente Repúblika; (minutu 15)
g) “Ai Timor”, Luís Represas – Atuasaun muzikal ho projesaun imajen; (minutu 5)
h) Atribuisaun komenda de onra – ho projesaun ba kada imajen; (minutu 20)
i) Aprezentasaun Dansa Tradisionál; (minutu 10)
j) Brinde no fogu de artifísiu, akompaña ho son “Oras to’o ona”, Lahane Group no “Liberdade”, Díli AllStars;
(minutu 20)

20.30h – Remata serimónia ofisiál no konvidadu de onra sira retira

21.00h – Hatún Bandeira Nasionál hosi F-FDTL. Fatin: Tasi Tolu

21.10h – Omenajén ba grupu solidariedade internasionál

– Inísiu Konsertu Musikal. Fatin : Tasi Tolu.

Jornalista: Julia Chatarina

Editór: Xisto Freitas

HAKEREK NO HATÁN

Please enter your comment!
Please enter your name here