Eis Xefe UNAMET, Ian Martin. Imajen/TATOLI.

DILI, 29 agostu 2019 (TATOLI) – Eis-Xefe UNAMET (United Nation Administration Mission In East Timor), Ian Martin hateten, Timor-Leste iha ona progresu, tuir nia observasaun.

Timor-Leste iha mudansa hafoin vizita ba Munisípiu balun iha Timór. “Ha’u vizita Maliana, Bobonaru, ha’u haree estrada no eletrisidade ne’ebé uluk nunka iha komesa di’ak ona,” hateten Eis-Xefe UNAMET, Ian Martin ba jornalista sira iha Palásiu Governu, ohin.

“Ha’u haree balun presiza halo di’ak liután aleinde ha’u mós haree nasaun ne’e hanesan nasaun foun ne’ebé foin simu sira-nia tranzisaun administrasaun husi UN, tanba ne’e ha’u haree iha progresu uitoan. Maibé, progresu la’o liu iha Dili,” nia konsidera.

Eis-Xefe UNAMET ne’e mós hateten, uluk misaun ONU mai iha Timór, lori determinasaun ne’ebé loos, susesu iha pás no operasaun. ONU nia funsionáriu sira mós agora barak kontinua serbisu iha área edukasaun, saúde no seluk tan.

“Ha’u mai iha ne’e reprezenta Sekretáriu Jerál ONU (António Guterres), nia iha komprimísiu forte ba Timor-Leste tanba nee bele garantia katak Timor-Leste sei kontinua hetan suporta husi Nasaun Unida,” konklui reprezentante ONU ne’e.

Jornalista :Nelia Borges

Editór       : Rafy Belo

HAKEREK NO HATÁN

Please enter your comment!
Please enter your name here