Embaixadór Portugal ba Organizasaun Nasaun Unida (ONU), António Monteiro

DILI, 29 agostu 2019 (TATOLI)-Embaixadór Portugal ba Organizasaun Nasaun Unida (ONU), António Monteiro hateten katak Timor-Leste agora diferente la hanesan uluk tanba agora demokrátiku no iha dame. Timoroan sira hateke nafatin ba oin hodi lori Timor-Leste ba oin ho dame no unidade hodi transforma povu no rai ida ne’e.

Timor-Leste nu’udar ezemplu susesu ida tanba sofre dezde uluk maibé ikus mai konsege ultrapasa.

“Ha’u hanoin katak Timor-Leste sai hanesan ezemplu ba susesu, hanesan nasaun ne’ebé mak uluk ne’e sofre, iha tempu portugés no mós iha difikuldade atu hetan liberdade maibé konsege trata nafatin no haree didi’ak difikuldade no ultrapasa no sai ezemplu susesu,” hateten Embaixadór, António Monteiro, iha Aeroportu Nicolau Lobato, Dili, hafoin to’o ho aviaun City Link, iha tuku 12.20 otl, horiseik.

Entretantu, Embaixadór Portugal ba ONU, António Monteiro to’o ona iha Timor-Leste inklui Embaixadora Portugal ba Indonézia, Ana Gomes ho Aviaun Sriwijaya iha tuku 13.30 otl hodi partisipa serimónia aniversáriu Konsulta Populár da dala-20.

Notísia relevante:Primeiru-Ministru Vanuatu To’o Ona Timor-Leste

Jornalista : Nelia Fernandes

Editór      : Rafy Belo

HAKEREK NO HATÁN

Please enter your comment!
Please enter your name here