Diretora Jerál Agrikultura Ministériu Agrikultura no Peska (MAP), Maria Odete do Céu Guterres. Foto/Natalino Costa.

DILI, 28 agostu 2019 (TATOLI)–Ministériu Agrikultura no Peska (MAP) iha pesoál estensionista hamutuk 412, maibé seidauk kobre ba suku hotu atu responde nesesidade komunidade nian, nune’e maka presiza rekruta tan.

Diretora Jerál Agrikultura hosi MAP, Maria Odete do Céu Guterres, ba Ajénsia Tatoli iha nia serbisu fatin, Komoro, ohin, akresenta  tinan oin presiza rekruta tan pesoál estensionista hodi koloka ba suku hotu atubele responde ezijénsia komunidade nian.

“Atualmente MAP iha 412 extesionista, maibé komunidade preokupa nafatin tanba ne’e presiza haree orsamentu hafoin deside hodi halo tan rekrutamentu”, friza Maria Odete.

Tuir nia katak estensionista sira-nia prezensa iha komunidade nia leet atu serbisu hamutuk ho komunidade agríkola sira atu haree ba produsaun, hahú hosi kuda hare no rezultadu kolleita.

Aléinde ne’e, motorizada hirak ne’ebé durante ne’e apoiu ba estensionista sira sei mínimu no motorizada hirak ne’e antigu ona tanba sosa iha 2008 no 2009, tanba ne’e presiza haree hotu.

Jornalista : Natalino Costa                                             

Editora   : Maria Auxiliadora

HAKEREK NO HATÁN

Please enter your comment!
Please enter your name here