Merkadu Munisípiu Bobonaro. Imajen/dok.google

BOBONARO, 28 agostu 2019 (TATOLI)-Atu kontinua mantein pás no hakmatek iha liña fronteira terrestre, Adjuntu Komandante Polisia Nasionál Timor-Leste (PNTL), Munisípiu Bobonaro, João da Costa,  husu ba komunidade atu nafatin fó apoiu ba servisu Polisia  hodi suporta prosesu dezenvolvimentu nasaun.

Adjuntu ne’e  informa, maske situasaun seguransa iha liña fronteira ne’e la’o hakmatek maibé Polisia presiza nafatin kolaborasaun no kontribuisaun husi Komunidade hodi prevene atividade ilegál  ne’ebé la’o iha fronteira.

aa”Situasaun iha Munisípiu Bobonaro durante preparasaun ba aniversáriu tinan 20 referendum iha Timor-Leste no misaun INTERFET buat hot-hotu lao ho di’ak tebes husi loron 01 Agostu to’o ohin loron,” hateten João da Costa, ba Ajénsia TATOLI,  iha Jináziu Maliana, Tersa (27/08/2019.

Nia esplika,  durante  agostu 2019,  seidauk mosu krime organizadu ka krime boot  ne’ebé maka mosu hodi afeta ba seguransa iha Bobonaro, Mezmu  akontese insidente ki’ik husi joven sira  maibé  la afeta ba estabilidade.

Entretantu, selebrasaun loron konsulta populár tinan 20 iha Munisípiu Bobonaro ne’ebé hala’o iha loron 21-22 agostu, lao ho susesu tanba hetan seguransa husi PNTL no FALINTIL-Forsa Defeza Timor-Leste.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here