Dokumentu WaterAid.

DILI, 27 agostu 2019 (TATOLI)-WaterAid hanesan Organizasaun Naun Governamentál (ONG) Internasionál servisu iha Timor Leste hahú 2005 ho nia papel atu fornese bee moos, saneamentu no edukasaun ijiene (BeSI) ba komunidade área rurais.

Dokumentu WaterAid

Liuhusi konferénsia imprensa, ohin, hodi komemora loron Konsulta Populár ba dala-20 (30 agostu 1999-2019), Communications and Knowledge Specialist, Josefina Pereira, haktuir WaterAid mós informa no asiste Governu iha dezenvolvimentu setor polítika no estratéjia hahú kedas husi 2007 no ONG internasionál ne’e mos suporta ona komunidade rural hamutuk atus rua (200) iha TL no total uma kain hamutuk rihun lima (5.000) no benefisiáriu 28,000.

“Ami konsidera WaterAid ninia kontribuisaun sufisiente ba povu nia nesesidade, maibé ami rekoñese katak mezmu kontribuisaun ki’ik maibé signifikante tanba BeSI ne’ebé mak adekuada no liga direita ba komunidade no uma kain ida-idak nia moris loroloron nian,” hateten Josefina Pereira.

Diretor Pais, Justino da Silva informa katak atinjimentu bee moos porsentu 74,7 no saneamentu atinje ona porsentu 57 no mós fasilidade fase liman ho sabaun iha porsentu 28 no kualidade bee moos mos sei sai problema ho nune’e hatudu katak sei presiza hasa’e investimentu entaun Estadu tenke haree ba kestaun hirak ne’e.

“Ami aprezenta dadus kona ba populasaun lubuk ida mak seidauk asesu ba BeSI, menus jestaun ba operasaun no manutensaun no mós kualidade bee mos sei problema tanba porsentu 72   refere ba 137 sistema ne’ebé mak halo ona teste, hirak ne’e husi Munisípiu Manufahi no Liquiça,”dehan Diretor.

Tuir Diretor katak primeiru mak,  konsiderasaun bee no saneamentu ne’e hanesan direitu umanus katak Estadu órgaun ida ne’ebé mak iha kompeténsia atu tau matan ba ninia komunidade sira.

Segundu haree ba prosesu ne’ebé hakat daudauk ba atinjimentu munisípiu tanba tama ona ba faze desentralizasaun no hein katak governu iha kapasidade finanseiru ba dezenvolvimentu infraestrutura liuliu ba BeSI.

Terseiru, sosiedade sivíl sira tenke forte hodi tau matan no lori advokasia hodi nune’e governu bele hasa’e rekursu iha BeSI ba komunidade sira.

“Ami haree la’ós kestaun polítika ka investimentu maibé hahalok mos kontribui makaas, porezemplu tuir polítika governu nian ba subsídiu harii saneamentu no atividade ijiene ba komunidade. Signifika komunidade tenke fó kontribuisaun makaas para bele harii sira-nia Haris Fatin Mesak no fase Liman ho sabaun, iha sira nia uma laran,” hateten Justino da Silva.

Jornalista : Osória A. Marques

Editór       : Francisco Simões

HAKEREK NO HATÁN

Please enter your comment!
Please enter your name here