Premiandu Novel ba Pás, José Ramos Horta

DILI, 27 agostu 2019 (TATOLI)-Sentru Estudu Direitu Umanu, Fakuldade Siénsia Sosiál (FSS), Universidade Nasionál Timor Lorosa’e (UNTL) inauguradu.

Iha inagurasaun ne’e, alende partisipa husi estrutura Universidade no fakuldade no mós estudante sira inklui mós premiadu Novel da Paz, José Ramos Horta.

Eis-lider diplomátiku, José Ramos Horta hateten, Sentru Estudu Direitu Umanu, UNTL, bele  fó oportunidade ida di’ak tebetebes ba ita-nia juventude, bele mós sai hanesan sentru ida importante iha rejiaun tomak iha sudezte Azíatiku, bainhira ita tama ASEAN (Organizasaun Sudeste Aziátiku-sigla inglés).

“Ita bele orgullu hateten Timor-Leste sentru Direitu umanu nian, ne’ebé di’ak tebetebes no kualidade tanba ita-boot sira hatene karik, iha rai balun iha ASEAN sira, la iha sentru direitu umanu, sira ladun entuziasmu ho sentru direitu umanu,” konsidera líder nasionál ne’e perante públiku liuhusi nia diskursu iha Kampus FSS, Caicoli, ohin.

Iha bibán hanesan, premiadu Novel da Paz, José Ramos Horta hato’o kongratula UNTL relasiona ho inagurasaun sentru estudu direitu umanu ne’e.

“Parabéns no agradesimentu, lori ha’u-nia naran no lori mós ita-nia líder sira hotu ho kontente, universidade, juventude hamutuk ho Global Campus of Human Rights ho Uniaun Europeia fó oportunidade ida ne’e ba ita”.

“Dala ida tan ba imi hotu-hotu ba joven sira ne’ebé hetan iha oportunidade ida ne’e, oportunidade iha rai barak la iha, oportunidade uluk ba ha’u rasik la iha, buka aproveita estuda ba hatene loloos ita-nia direitu,  estadu nia responsabilidade,”  hateten lider timoroan ne’e.

Líder nasionál ne’e haktuir, Ita iha ne’e konvite husi reitór hanesan uma na’in simu ita hanesan bainaka atu partisipa parte Inagurasaun Sentru Direitus Umanus Timor-Leste nian.

“Inisiativa ne’e mai husi Global Campus and Humang Rights, hamutuk ho Universidade Nasionál Timor-Lorosa’e no mós ho União Europeia sira tau ideia finansimentu osan para loke sentru ida ne’e”.

Eis-diplomata,  José Ramos Horta hateten tan katak, ne’e importante tebestebes atu halo formasaun ba ita-nia juventude, sosiedade sívil, sira atu hatene tratadu sira.

Timor-Leste iha 2002 hatudu ita-nia komitmentu halo tiha ona, ratifika tratadu sira hotu ne’ebé importante.

“Ne’e duni sentru ida ne’e fó oportunidade ida di’ak tebetebes ba ita nia juventude, bele mós sai hanesan sentru ida importante iha rejiaun tomak iha sudezte Azíatiku, bainhira ita tama ASEAN,” reforsa tan lider nasionál ne’e.

Notísia relevante:União Europeia no Sosiedade Sívil Timor-Leste Asina Kontratu Reforsa Projetu Haat

Jornalista : Nelia Fernandes

Editór .      : Rafy Belo

HAKEREK NO HATÁN

Please enter your comment!
Please enter your name here