Lagoa Tasi Tolu nia furak bele sai potensia turistiku. Imajen/Foti husi google

DILI, 26 agostu 2019 (TATOLI)-Entre loron 27 ou 28 agostu,kompañia  Jofersi ne’ebé halo reabilitasaun ba sítiu turístiku relijiozu João Paulo II tenke termina ona servisu. Tanba ne’e, servisu fízika iha terrenu to’o ohin atinje ona porsentu 95.

Notísia Relevante: Governu Aloka Rihun $92 Reinstala Eletrisidade iha João Paulo II

Reabilitasaun ne’e nu’udar parte ida husi komemorasaun tinan 20 konsulta populár  (30 agostu 1999-2019) no misaun Forsa INTERFET,  20 setembru 1999.

Diretór Kompañia, Iwan Christiyanto Yap, relata prosesu reabilitasaun ne’e atinje ona porsentu 95  ne’ebé kobre servisu iha jardín latan, lampu dalan ninin nian  ho mós  solar panel.

“Ohin, ba faze finál ona tanba hela de’it ai-riin rua mak seidauk troka lampu ka tau bateria, maibé  agora ami bele monta hotu, parese aban ka bainrua ami entrega ona ba Governu,” tenik, Diretór kompañia ba TATOLI, iha Tasi-Tolu, Dili.

Iwan Christiyanto Yap, esklarese, durante semana rua ona, lampu sira ne’ebé monta iha área João Paulo II komesa funsiona ho di’ak.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here