Komvidaduus espesial husi Portugal nebe atu partisipa iha konsulta popular 20 anos 30 Agostu 1999-2019, D. Duarte Pio. Imajen/TATOLI

DILI, 25 agostu 2019 (TATOLI)- Dom Duarte Pio, Duque de Bragança hanesan liurai Portugal ne’ebé fó ajuda maka’as ba Timor, Domingo ohin to’o ona iha Timor-Leste ho aviaun Citilink, iha tuku 12:20 otl.

Bainhira to´o, liurai Portugés ne´e informa ba jornalista sira katak nia prezensa ida ne´e ba dala rua iha Timor-Leste iha tinan ida ne´e no hateten sente kontente tebes.

Nune´e mós haktuir, nia iha ona Timór, dezde tempu okupasaun Indonézia no hetan autorizasaun ho apoiu husi Kartika Sukarno, oan husi Prezidente Soekarno, no ho mós apoiu husi Governadór Mario Viegas Carrascalão, konsege konvense Bj Habiebie, muda atitude no foti desizaun diferente relasaun ho Timór.

“Ha´u sente buat ida ne’ebé kapás no atu dehan di’ak tebes ba Timor, iha espiritu rekonsiliasaun ba buat hotu ne’ebé sofre no drama ne’ebé Timór sofre durante okupasaun, ne’ebé agora iha ambiente ne’ebé amizade no demonstra relasaun di’ak ho nasaun viziñu. Ne’e hatudu, defaktu, povu nia maturidade eh umanu ne’ebé halo ho kapás,” apresia Dom Duarte Pio, Duque de Braganca perante jornalista sira iha Aeroportu Internasionál Prezidente Nicolau Lobato, Comoro, Dili, ohin.

Liurai Duarte Pio, Duque de Bragança hateten, sente interesante tebes defaktu ba dezenvolvimentu ne’ebé Timor-Leste iha ona. Tuir liurai portugés ne´e, buat hotu importante mak iha sensu di’ak ba aktu dekore mal gastu. “Infelizmente, hanesan nasaun balun seluk, bainhira gasta osan sala ba buat seluk no iha ne’e la hatudu loloos no gasta tuir tempu. Portantu, ekonominiza buat ne’ebé la’os fundamentál,” nia konsidera.

Alende,  Dom Duarte Pio, duque de Braganca to’o ona Timor-Leste ho nia delegasaun na’in tolu, inkliu mós delegasaun husi Fransa, membru parlamentu Fransa, Pascale Boyer no mós Embaixadór Guillaume Ruzoviyo, Prezidente Konsellu Nasionál ba Unidade Nasionál no Rekonsiliasaun husi nasaun Burundi nian g7+ mós to’o ona iha Timo-Leste, hodi partisipa festa aniversáriu 30 agostu, Konsulta Populár.

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here