Membru ASPT sira tebe-tebe hafoin marsa saudável. Foto TATOLI: Felicidade Ximenes

DILI, 25 agostu 2019(TATOLI)- ASPT (Asosiasaun Saúde Públika Timor-Leste-sigla portugés) kria atividade marsa saudavel (Walk to Walk), hahú estasaun TV GMN (Grupu Media Nacional) to´o jardin Largo Lecidere, hodi hamenus moras.

Prezidente ASPT ba périodu 2019 to’o 2022, Agapito da Silva Soares. Foto TATOLI: Felicidade Ximenes

Prezidente ASPT ba périodu 2019 to’o 2022, Agapito da Silva Soares hateten, atividade marsa saudável ne’e halai liu ba kobertura universál atu hamenus moras liuliu moras la hada’et no moras hada’et tanba ne’e mak  ASPT kria atividade  ne´e atu promove hodi hadi´a liután ba oin.

Tanba ne’e mak atividade ne’e kolabora hamutuk ho Organisazaun Mundiál Saúde  (OMS) no Organisazaun saúde publika nian no mós liga ho kongresu ASPT daruak nian ne’ebé hala’o iha loron rua liu ba, 23 ho 24.

“Ho nunee ami promove atividade ezersísiu atu nune’e komunidade hotu banati tuir hodi sira kuidadu sira-nia aan rasik liuhusi labele fuma tabaku no labele hemu alkool,” ,hateten Prezidente ASPT Agapito da SilvaSoares ba Ajénsia TATOLI, depois marsa no hala´o halo atividade poco-poco, tebe-tebe no zumba, iha Largo Lecidere, ohin.

Prezidente ASPT  ne´e informa tan, planu ASPT ba oin mak oinsá atu prevene no promove ba  komunidade sira atu kuidadu saúde hodi la bele hetan moras. Tanba. tuir nia, prevensaun  sai fatór importante ida atu ita redús moras hanesan mortalidade, morbilidade ne’ebé boot,  bele redús liuhusi prenvensaun.

“La presiza gasta osan barak, la presiza sosa aimoruk barak, atu halakon moras ne’e maibé ita bele hamosu liuhusi hahú halo prevensaun, promove ema atu moris iha ambiente di´ak, moris saudável, halo ezersísiu barak, la bele fuma, labele hemu tua alkool. Ida ne’e hanesan kontribui ona atu hamenus moras lahada’et no moras hada’et sira ne’ebé mak sei aas iha rai Timor -Leste ida ne’e,” dehan ezekutivu ASPT ne´e.

Nia dehan, ita agradese ba universidade sira ne’ebé loke Fakuladade Saúde Públika tanba universidade sira ne’e bele ona prodús ema profisionál iha área Saúde Públika no ita hein katak maluk saúde publika sira bele mai rejista aan iha organizasaun ASPT atu nune’e ita bele suporta malu ba oin.

Entretantu, atividade marsa saudável husi profisionál saúde públika sira inklui mós estudantesira husi UNPAZ, UNDIL no UNITAL. Marsa ne´e mós akompaña husi Drum Banda, husi estudante Cristal.

Notísia relevante:ASPT Presiza Hanoin Atu Hola Parte Membru Federasaun Mundiál Saúde Públika

Jornalista: Felicidade Ximenes

Editór      : Rafy Belo

HAKEREK NO HATÁN

Please enter your comment!
Please enter your name here