Foto Espesiál

DILI, 23 agostu 2019 (TATOLI) – Timor-Leste sai observadór ba eventu “World Skill Competition” iha Rusia, ho objetivu atu estabelese rede serbisu, liuliu ba formasaun vokasionál ho profesionál hodi promove nasaun iha merkadu traballu internasionál.

Tuir komunikadu ne’ebé Ajénsia Tatoli asesu katak eventu ne’e, hahú iha 22 to’o 27 agostu 2019, iha sidade Kazan, Rúsia.

Eventu mundiál realiza kada tinan rua maibé tinan ne’e, Rúsia maka sai uma-na’in hodi konvida Timor-Leste atu partisipa iha programa ne’e.

Tanba ne’e, Timor-Leste presiza banati tuir maka haree seriedade ba sira-nia investimentu iha programa formasaun profesionál.

“Ho ida ne’e maka komplementa nesesidade merkadu traballu no indústria, atu hametin nasaun sira-nia sustentabilidade dezenvolvimentu ekonómiku”, salienta Diretora Nasionál INDMO, Isabel Fernandes de Lima.

Delegasaun Timor-Leste kompostu husi Diretór Jerál SEFOPE, Aniceto Letosoro, Membru Parlamentu Nasionál, Antonio de Sá Benevides, Diretora Nasionál INDMO, Isabel Fernandes de Lima, mentór delegasaun, Sónio Anuno S. da Silva Januario Moc, Diretór Sentru Formasaun ETDA, Jaquelina, Xefe Departementu Tv.ET no Maria do Rego hosi INDMO.

Orsamentu ba atividade ida ne’e mai husi Fundu Dezenvolvimentu kapitál Uumanu (FDCH-sigla portugé) no SEFOPE. Enkuantu kada tinan INDMO sei halo  kompetisaun ba abilidade nivel nasionál, no partisipantes sira, mai husi sentru formasaun ne’ebé eziste iha Timor-Leste.

Jornalista : Florencio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here