rezidente Komisaun Organizadora Petroleum Management Student Association (PMS), DIT, Roberto Araújo Mota. Foto TATOLI: Nelia Borges

DILI, 23 agustu 2019 (TATOLI)—Prezidente Komisaun Organizadora Petroleum Management Student Association (PMSA) husi Dili Instutute of Technology (DIT), ohin, hateten Dili Institute of Technology (DIT) realiza semináriu ho tema “Kontratu Fahe Produsaun (PSC) Área Eskluziva (Clean-onshore ofshore) no Kontratu Fahe Produsaun (PSC) Aréa Konjunta (EX-JPDA)” atu hakle’an estudante sira-nia koñesimentu iha área refere.

“Semináriu ne’e atu hasa’e liután estudante sira-nia kapasidade no hakle’an estudante sira-nia koñesimentu iha área PSC (onshore no offshore) nian. Tanba ne’e  maka ohin ho prezensa oradór sira husi Autoridade Nasionál do Petrolio e Minerais (ANPM) bele fahe sira nia koñesimentu iha área PSC no area EX-JPDA ne’ebé mak durante ne’e Governu Timor-Leste deskute hela,” dehan Prezidente Komisaun Organizadora PMSA, Roberto Araújo Mota, ba Ajénsia TATOLI liuhusi entrevista hafoin ramata semináriu iha Salaun DIT, Manleu, Dili, sesta (23/08/2019).

Nia hatutan, semináriu refere hala’o tinan-tinan ho oradór sira mai husi kompañia diferente no tópiku diferente ne’ebé ligadu ho petroleum nian.

Partisipante sira ne’ebé partsipa iha semináriu ne’e hamutuk ema na’in 152 ne’ebé maihusi Ensinu Superior Dili Institute of Technology (DIT) no Universidade Dili (UNDIL).

Jornalista: Nelia  Borges

Editór      : Rafi Belo

HAKEREK NO HATÁN

Please enter your comment!
Please enter your name here