SEKoop, Arsénio Pereira da Silva, observa toos-na'in sira iha Suku Namulesu. Foto/Natalino.

LEKIDOE, 23 agostu 2019 (TATOLI)-Sekretáriu Estadu Kooperativa (SEKoop), Arsénio Pereira da Silva, observa direta serbisu toos-na’in sira iha Suku Namulesu, Postu Administrativu Lekidoe, Munisípiu Aileu, ne’ebé durante ne’e prodús saburaka no modo.

“Hanesan membru Governu labele tuur de’it depois imajina katak iha Aileu husi Lekidoe ne’e saburaka barak, entaun ha’u mai atu haree katak iha duni ka la’e? Kuantidade ne’e hira nune’e ita halo planu asaun bazeia duni ba buat ne’ebé iha”,  Arsénio afirma ida ne’e bainhira vizita ba toos-na’in sira iha suku Namulesu, ohin.

Nia dehan kuandu la halo vizita sira hanesan ne’e maka halo buat ida la bazeia ba planu ho situsaun reál no sei halo arbiru. Tanba ne’e, liuhusi nia vizita sei esforsu hodi fó apoiu ba komunidade sira tanba iha inisiativa.

Toos-na’in Manuel Carvalho kontente ba prezensa SEKoop nian iha nia toos no motiva liután nian hodi halo serbisu nu’udar agrikultór.

Ho presenza SEKoop nian, husu para bele ajuda iha formasaun no mós bele kria kooperativa nunee bele lori produtu bá merkadu.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here