Ministru Estadu Prezidénsia Konsellu Ministru, Hermenegildo Augusto Cabral Pereira. Imajen Tatoli/Egas Cristóvão.

DILI, 23 agostu 2019 (TATOLI) – Governu liuhosi soru-mutu Konsellu Ministru (KM), sesta ne’e iha Palásiu Governu, desidi fó toleránsia pontu ba Funsaun Públika iha parte loraik de’it hahú hosi 26-29 agostu.

Governu desidi toleránsia pontu refere atu fó biban ba funsionáriu no ajente hosi ministériu sira hotu hodi fó dalan atu bele partisipa másimu liu-tan iha Komemorasaun 30 Agostu ne’ebé sei selebra semana oin mai.

“Ohin Konsellu Ministru desidi fó toleránsia pontu ba funsaun públika iha parte loraik de’it hahú segunda agora to’o sesta nune’e bele fó oportunidade previleiju atu funsionáriu sira bele partisipa komemorasaun Tinan 20 Referendum,” tenik Ministru Prezidénsia Konsellu Ministru, Hermenegildo Augosto Cabral Pereira.

Entretantu, abertura ba selebrasaun Tinan 20 Konsulta Populár hahú 25-29 sei hala’o iha Sentru Konvensaun Dili (CCD-sigla Portugês) ho programa oioin ne’ebé organiza hosi Prezidente Komisaun Organizadora, Kay Rala Xanana Gusmão.

Jornalista: Hortençio Sanchez

Editór: Xisto Freitas

2 KOMENTÁRIU

  1. Obrigado ba Informasaun tomak no Ida nee hanoin boot ba Nasaun nia lron importansia sira…atu nunee bele fó hanoin no biban ba Ami gerasaun foun atu bele partisipa iha eventu sira ba komemorasaun tuir mai…ho kestaun katak ita dala Barak la iha interest ba Komemorasaun hirak mak liu tiha ona tanba mós ho kestaun osan ka tempo maibé baut hotu neebe atu hakbesik povu tomak ba selebrasaun hirak nee tenke hariku aktividade barak iha eventually sira nee hanesan Dansa musika lokal…no Dansa musika modernu ka baraka mak animasaun kalan ba reflesaun hanoin lisuk ita nia heroi sira…hanesan bele aktividade tebe traditional sira ka musika lokal ita nia talento sira liga ho lalaok historia Timor Nia pasadu ka parte seluk maka biban nee tenke tane ka tau ass povu kbiit laek sira iha oin…karik labele mak Ema tuan neebe partisipa iha eventually loron importante mak Ema hanesan hela deit iha kada Tinan…nunee mós labele haluhan katak gasta osan ba eventually hirak diak liu mós Duke gasta osan ba Laos importante ba Memoria Nasaun nian. Karik iha kompetisaun hirak mak iha mós tenke like too nivel Suco sira no Nasional involve povu Rural sira atu sira bele partisipa no senti Nasaun nia Memoria uluk no agora bele aprosima Ema hotu ba bebeik too futuro nian…

HAKEREK NO HATÁN

Please enter your comment!
Please enter your name here