Diretór Jerál Asuntu Konsulár Protokolár, Serimoniál no Mídia, hanesan mós Vise Koordenadór Jeral Protokolu, Juvêncio de Jesus Martins. Foto TATOLI: Nelia Fernandes

DILI, 22 agostu 2019 (TATOLI)—Diretór Jerál Asuntu Konsulár Protokolár, Serimoniál no Mídia, Juvêncio de Jesus Martins, informa Komisaun Organizadora ba Komemorasaun Loron Konsulta Populár ba dala-20, atualiza nafatin konfirmasaun husi bainaka sira katak prezidente Indonézia sei la partisipa iha komemorasaun Loron Konsulta Populár refere.

“Indonézia fó hatene ona katak Prezidente Jokowi la mai. Bele mós, Preziente Jokowi sei delega Ministru Obras Publika mak mai partisipa komemorasaun Loron Konsulta Populár ba dala-20 ne’e iha Timor-Leste,”  dehan  Diretór Jerál Asuntu Konsulár Protokolár, Serimoniál no Mídia,  Juvêncio de Jesus Martins, ba Ajénsia TATOLI liuhusi entrevista iha Ministériu Finansas, Ai-Tarak Laran, Dili, kinta (22/08/2019).

Nia hatutan, kona-ba bainaka husi Austrália ne’e tanba kestaun seguransa entaun di’ak liu bainaka sira ne’e sa’e ona aviaun atu mai Timor-Leste mak ita foin publika. Tanba, tuir rezultadu konfirmasaun katak bainaka sira husi Austrália sei mai iha Timor-Leste.

Sei iha mudansa oituan ba lista bainaka sira, tuir nia, Xefe Estadu husi Nasaun Sahara kansela la mai Timor-Leste tanba nasaun refere sei iha hela problema ho Maroko.

Entertantu, nia infroma, husi ita-nia bainaka sira balun ne’ebé iha mudansa la mai maibé bainaka sira seluk konfirmadu atu partisipa iha komemorasaun Loron Konsulta Populár ba dala-20 ne’ebé sei selebra iha 30 Agostu 2019 iha Tasi Tolu, Dili.

Notísia relevante:Polisia Militár Prontu Asegura Bainaka VIP

Jornalista: Nelia Fernandes

Editór      : Rafy Belo

HAKEREK NO HATÁN

Please enter your comment!
Please enter your name here