Ofisiais PNTL. Imajen/António Gonçalves

DILI, 22 agostu 2019 (TATOLI)-Polisia  Nasionál Timor-Leste (PNTL) Munisípiu Dili kontinua asegura orden Komandu nian hodi halo operasaun ba atividade grupu ilegál nian.

Notísia Relevante Operasaun Konjunta Detein Joven 16 Iha Fronteira Batugadé

Komandante PNTL Munisípiu Dili, Superintendente Xefe, Armando Monteiro. Imajen/Egas Cristovão

“Operasaun kontinua la’o no  kalan mós ami la’o,” afirma Komandante PNTL Munisípiu Dili, Superintendente Xefe  Armando Monteiro, hodi hatán Jornalista, ohin, sira relasiona ho kazu grupu ilegál kontinua hala’o sira nia atividade sub-subar iha bairru laran no foho lolon sira.

Kona-ba  kazu  kapturasaun joven 19 husi Autoridade Seguransa Provínsia Nusa Tenggara Timur (NTT-sigla Indonézia) bainhira ultra-pasa Fronteira Terrestre hodi sa’e sintu iha Indonézia, Armando Monteiro, haktuir sei kontinua akompaña kazu ne’e hodi prosesa tuir lei.

Notísia Relevante Deskonfia Pratika Treinu Arte Marsiál, Tribunal Aplika TIR Ba Joven Nain Ualu

“Ita simu ona informasaun husi ita nia  adidu iha ne’ebá tanba ne’e, ita kontinua akompaña prosesu ne’e tanba kazu ne’e akontese iha área jurizdisaun ema ni’an,” afirma Armando Monteiro.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here