Representante Sekretariu Jeral Nasaun Unidas, Ian Martin hasoru malu ho Primeiru Ministru iha Palacio Governu. Ian Matin representa Sekretariu Jeral ONU, Antonio Guteres hodi partisipa iha 20 anos referendum 30 Agostu 2019.Imajen/Antonio G.

DILI, 22 agostu 2019 (TATOLI)-Reprezentante Sekretáriu Jerál Nasaun Unida, Ian Martin, sorumutu ho Primeiru-Ministru Timor-Leste, Taur Matan Ruak iha tuku 9.00 dader, iha Palásiu Governu. Vizita ne’e hanesan parte ida hodi hato’o nia sentimentu ksolok uainhira mai iha Timor-Leste atu partisipa komemorasaun Konsulta Populár ba dala 20.

“Ha’u iha oportunidade atu informa ba Primeiru-ministru katak ha’u kontente tebes fila fali mai Timor-Leste ba komemorasaun Konsulta Populár no ha’u mós sei foka liu ba eventu ne’ebé importante no ofisiál nune’e ha’u espera ha’u iha oportunidade barak liután hodi la’o no observa nasaun ida ne’e,” Informa Eis Xefe UNAMET (United Nation Missions in East Timor), Ian Martin, ba jornalista sira.

Eis-Xefe UNAMET nee mós hato’o nia parabéns ba povu Timor-Leste tomak no nia mós hateten nia interese tebes ho Timor-Leste tanba ne’e durante semana rua iha Timor-Leste ne’e sei halo vizita ba munisípiu sira hodi halo mós observasaun.

Notísia relevante:Ohin, Eis Xefe UNAMET To’o Timor-Leste

Jornalista: Nelia Borges

Editór      : Rafy Belo

HAKEREK NO HATÁN

Please enter your comment!
Please enter your name here