Prezidente Autoridade Munisipál Bobonaro, Zeferino dos Santos. Imajen Tatoli/Evaristo Soares Martins

MALIANA, 22 agostu 2019 (TATOLI)—Prezidente Autoridade Munisipál Bobonaro, Zeferino dos Santos, hateten prosesu dezenvolvimentu atu la’o ho avansu, presiza ema hotu nia kontribuisaun.

“Iha tempu ukun rasik-aan, ita hotu-hotu tenke esforsu, kontribui no serbisu hamutuk hodi dezevolve ita-nia povu no nasaun. Nune’e, ha’u apela ba hotu-hotu ne’ebé marka prezensa iha ne’e atu serbisu hamutuk lolo liman ba malu atu dezenvolve munisípiu ida ne’e”, dehan nia iha Jardim dos Herois Maliana, hafoin kari ai-funan, kinta ne’e.

Nia apela ba estudante sira atu uza tempu hodi estuda tanba rekursu umanu importante tebes atu kontribui ba nasaun no estudante sira tenke hamenus tempu ba mídia sosiál ne’ebé la fó benefísiu.

Zeferino informa, prosesu dezenvolvimentu ne’e presiza rekursu umanu ne’ebé kualifikadu no estudante sira mak sei hatutan obra funu na’in sira-nian.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here