Sekretáriu Estadu Kooperativa, Arsénio Pereira da Silva. Imajen/Egas Cristovão.

DILI, 21 agostu 2019 (TATOLI) – Sekretáriu Estadu Kooperativa (SEKoop), Arsénio Pereira, informa nia parte haruka ona funsionáriu hamutuk 12 ba tuir treinamentu kona-ba oinsá prosesamentu produtu batar ain naruk (sorghum) iha Indonézia.

“Ohin ha’u halo orientasaun no mós atu husik funsionáriu Sekretáriu Estadu Kooperativa hamutuk na’in 12 atu ba tuir treinamentu kona-ba prosesamentu sorghum iha Bogor, Indonázia” Arsénio Pereira ba Ajénsia Tatoli, iha nia servisu fatin, Mandarin, ohin.

Funsionáriu sira aranka, ohin ba Indonézia hodi tuir treinamentu durante semana ida, enkuantu formasaun ne’e iha teória no prátika, liuliu sira sei aprende oinsá maka prosesa plantasaun ba sorghum no oinsá maka atu prodús ba dose inklui ba produtu sira seluk.

Governante ne’e esplika funsionáriu sira ba tuir formasaun iha Indonézia tanba dadaun iha ne’eba mós klima sorghum, nune’e aproveita atu sira ba aprende atu fila mai hodi implementa.

Orsmentu ne’ebé apoia ba programa formasaun, mai hosi Fundu Dezenvolvimentu Kapitál Umanu (FDCH-sigla portugés).

Jornalista : Natalino Costa

Editora     : Maria Auxiliadora

HAKEREK NO HATÁN

Please enter your comment!
Please enter your name here