Produtu hare ne'ebé CLN sosa hafoin dulas no fa'an fali iha merkadu,. Foto/CLN.

DILI, 21 agostu 2019 (TATOLI) – Prezidente Sentru Lojístik Nasionál (CLN-sigla portugés), Augusto Junior, hateten iha 2019, CLN sosa ona hare kulit hamutuk tonelada 428, hosi agrikultór Postu Administrativu Maliana no Munisípiu Bobonaru.

“Ha’u hakarak informa katak tinan ida ne’e ami sosa ona hare kulit iha Maliana hamutuk tonelada 428. Agora ami ba vizita iha Guisu hosi Munisípiu Likisá atu sosa tan tonelada 100” Augusto Junior ba Ajénsia Tatoli iha Ministériu Turizmu Komérsiu no Indústria (MTKI), ohin.

Enkuantu, semana oin CLN hamutuk ho Ministériu Agrikultura no Peska (MAP) sei hala’o vizita ba Oebaba Munisípiu Covalima hodi introdús kona-ba prosedimentu sosa hare kulit, tanba Oebaba prepara ona hare kulit ho tonelada 25.

Entretantu, MAP no MTKI hosi diresaun regulasaun komérsiu deside ona presu haree ho kada kilo sentavu 40.

Jornalista: Antónia Gusmão

Maria      : Maria Auxiliadora

HAKEREK NO HATÁN

Please enter your comment!
Please enter your name here