Kontra-atake entre jogadór Boavista no Kablaki FC. Imajen Tatoli/Hortençio Sanchez

DILI, 21 agostu 2019 (TATOLI) – Ekipa Boavista FC Timor tebe sai armada Kablaki FC hosi Tasa 12 Novembru ho rezultadu golu 5-2 iha Estádiu Munisipál Dili, kuarta ne’e.

Hosi rezultadu ne’e, Kablaki tenke haksumik-aan ona hosi jogu Tasa 12 Novembru tanba sistema jogu lakon-sai ka bota fora. Enkuantu, Boavista kontinua hakat ba oin hodi klube seluk iha loron tuir mai.

Golu vitória Boavista nian prodúz hosi jogadór Nídio Neto (21) iha minutu 9, António Alcantara (87) 35, Danilson Araújo (11) 40, Anggiso Barbosa (6) 60, Henrique Martins (10) 80. Iha parte seluk, golu Kablaki nian marka hosi Silvestre Gama (18) iha minutu 18 no David Cordoso (11) 47.

Jogu refere dirije hosi árbitru Pedro Carvalho, juiz liña Cristóvão Alves, António de Carvalho no árbitru rezerva, Salvadór Cabral.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here