Ministru Obra Públika, Salvador Soares dos Reis Pires. Imajen António Gonçalves

DILI, 19 agostu 2019 (TATOLI)–Ministru Obra Públika (MOP), Salvador Eugénio Soares dos Reis Pires ba Ajénsia Tatoli, iha nia servisu fatin, Mandarin, ohin, hatete dadaun ne’e seidauk iha lei ida hatán ba preokupasaun públiku kona-ba ahi mate ne’ebé afeta ba sasán elektrónika.

“Seidauk iha lei ida atu fó kompensasaun ba komunidade bainhira nia sasán elektrónika aat tan afeta hosi ahi mate”, Ministru MOP rekoñese.

Maibé daudaun ne’e transforma hela EDTL ba Empreza Públika, atu harii autoridade reguladór, nune’e bele estabelese lei.

“Agora ita halo hela transformasaun EDTL ba Empreza Públika no harii autoridade reguladór, ne’ebé ha’u hanoin ita bele iha lei sira ne’e atu estabelese”, salienta.

Tanba ne’e, iha ona nesesidade ba infraestrutura, maibé nesesidade ba dezenvolvimentu institusionál mós importante tebes, liuliu presiza fatin atu fó protesaun ba konsumidór sira.

Jornalista: Florencio Miranda Ximenes

Editora    : Maria Auxiliadora

HAKEREK NO HATÁN

Please enter your comment!
Please enter your name here