Estádiu Munisipál Kafé Ermera. Imajen Tatoli/Hortençio Sanchez

DILI, 19 agostu 2019 (TATOLI)—Aban (20/08), Governu liuhosi Sekretaria Estadu Juventude no Desportu (SEJD) hala’o inaugurasaun ba Estádiu Munisipál Kafé Ermera tanba prosesu konstrusaun fízia atinje ona  %100.

Tuir dadus ne’ebé Agência Tatoli asesu hosi Diresaun Finansa iha resintu SEJD, ohin, katak projetu refere hahú nia konstrusaun iha tinan 2015 no kompañia Maferdi Unp. mak  kaer obra refere ho montante orsamentu $1,169, 672. 63.

Maibé, kompañia ne’e rasik la konsege finaliza obra ne’e iha tinan 2017, entaun Governu halo de’it pagamentu ba pursentu rua-nulu resin ualu (%28) ho montante $336, 469. 90. Balansu hosi kontratu $833, 202. 73.

Hosi ne’e kedas Maferdi la halo tan kontinuasaun serbisu no iha agostu tinan 2017 Governu halo fali kontratu ho kompañia SMS hodi kontinua de’it obra ne’ebé Maferdi husik hela ho balansu $833, 202. 73.

Depois halo fali verifikasaun, presu aumenta ba $318, 340. 25, nune’e totál kontratu ba SMS montante $1,151. 542. 98.

Entretantu, Governu mós aumenta tan orsamentu adisionál ba kompañia hodi konstrui fali área parajen (parking area) no variasaun order (variation order) ho totál orsamentu $78, 665. 77. Tanba ne’e, totál amandamentu kontratu ba SMS $1, 230, 208. 75.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here